wo bechara...

kitna khush tha wo bechara

jab college mein aaya tha

char baras ki masti ka bas

ek hi sapana laaya tha

kathhin badey they shurwati din

ki senior koi bhi le leta tha

maan ke usko mandir-ghanta

koi bhi thapada deta tha

time bahut hai exam mein

abhi pad kar kya hoga

kar le masti jee bhar bachchhe

ye manzar fir kal na hoga

ye hidayat thi usko

uske sab senior mitro ki

eish uthha, dhuan uda

mat parwaha kar satron ki

do chaar mahine gujare ki

rangat uski badal gayi

funde dena seekh gaya wo

bhokal ke sang har baat hui

padhne ke liye umar padi hai

abhi masti kar lene do

abhi to kuchh bhi nahi chadi hai

pyala kuchh aur bharne do

kab ghadi ki suiyan ghumi

kab shaam se subaha hui

kisko fikra bhala class ki

subaha ko apni raat hui

kab kaise din gujar gaye

iska koi ehsaas na tha

chaar baras jo mehnat ki

waqt use dikhlane ka tha

tie laga ke , baal bana ke

gaya wo interview dene

sawal jabab ke jariye se

MNC me good job lene

kitna khush hua tha wo

jab job usne MNC me payi

job badi shaandar hogi

is illusion me neend na aayi

ab baitha hai wo bechara

us MNC ke office mein

ghis raha hai nirantar apni

time kaatne ki koshish mein

mail karo aur mail padho

din bhar ka kaam hai ye

do char print , xerox kar ke

xerox work ka experience le

soch raha hai ab bechara

kyun engineering usne ki

gar pata hota pehle se to

kya jarurat thi ghisne ki